• Shpërndaje

Blendi Fevziu, Armand Shkullaku, Arian Curi dhe Andi Bejtja ishin të ftuar këtë të premte në emisionin “Zonë e lirë” në Tv Klan.

Duke iu përgjigjur pyetësorit të intervistës “Lajm i keq, lajm i mirë, s’më plas fare”, analisti Armand Shkullaku tha se është lajm i keq, deklarata e Edi Palokës, i cili ka thënë se në Janar Elisa Spiropalit i kanë hyrë hajdutët në shtëpi.

Ndër të tjera, gazetari Blendi Fevziu theksoi se “ka disa lajme që i kanë hyrë në shtëpi njerëzve që kanë pasur poste të larta publike”.

Arian Çani: Shkullak, Paloka reagoi edhe ndaj Spiropalit duke u shprehur se PS do të fitojë mandatin e tretë qeverisës. Paloka tha se në Janar të këtij viti, Spiropalit i hynë disa hajdutë në shtëpi, prandaj i duhet dhe një mandat tjetër që të kompensojë humbjet.

Armand Shkullaku: Po të hyjnë hajdutët lajm i keq.

Blendi Fevziu: Po e vërtetuar kjo e hajdutëve?

Arian Çani: Kështu ka dalë lajmi!

Armand Shkullaku: Jo kjo nuk vërtetohet se këta që hyjnë nuk tregojnë.

Blendi Fevziu: Ka disa lajme që i kanë hyrë në shtëpi njerëzve që kanë pasur poste të larta publike…

Arian Çani: Këtë e bëri vetë Elisa publike apo jo?

Armand Shkullaku: Jo, jo.

Arian Curi: E morët vesh ju që kur hyjnë në shtëpi nuk gjejnë gjë sepse politikanët gjërat më të çmuara nuk i mbajnë në shtëpi…

Blendi Fevziu: Po ku i mbajnë?

Arian Curi: Në Zvicër.

Blendi Fevziu: Nuk i çojnë në Zvicër se këtë pyetje u kam bërë.

Arian Curi: Në Zvicër jo më, në ishuj të largët.

Blendi Fevziu: Kam frikë se këtu do jetë një lavatriçe e madhe që i lan gjithë këto lekë.

Arian Çani: Mjafton të shohësh ndërtimet.

Blendi Fevziu: Ndërtimet janë këtu, por flasim për ato që ikin jashtë. Bile ndërtimet dhe një pjesë e bizneseve që mund të pastrojnë paratë e krimit janë frika e më e madhe e ndërkombëtarëve. /tvklan.al