Acari po vjen sërish, temperaturat deri në -10 gradë
“Diell me dhëmbë” do të ketë gjatë gjithë javës, ndërsa acari do të mbizotërojë sërish. Dita e mërkurë do të sjellë ulje të temperaturave, që në disa zona do të arrijnë deri në -10 gradë celsius.
Sipas meteorologëve edhe në zonat bregdetare dhe ato të ulëta temperaturat do të arrijnë në 0 gradë.
Gjatë gjithë javës do të mbizotërojë moti i kthjellët, ndërsa ngricat do të jenë prezente në zonat malore ku nuk do të mungojnë as reshjet e dëborës.
Pas ditës së hënë, të javës tjetër, parashikohet që të vijnë reshje shiu, të cilat do të sjellin dhe rritjen e temperaturave./tvklan.al