Afishohen listat e votuesve për zgjedhjet lokale – (29 Gusht 2000)
Lajme Arkiva – TV Klan 2000
Sot në të gjithë vendin do të afishohen në vende publike listat e votuesve për zgjedhjet lokale të 1 Tetorit. Prefektët dhe komisionerët e pesë mijë qendrave të votimit kanë marrë dje në dorëzim këto lista si dhe aparaturat për përgatitjen e kartave të identitetit për votuesit.
Verifikimin e menjëhershëm të listave të votuesve e ka kërkuar dje kreu i OSBE-së në Tiranë Gert Ahrens, në takimin me ministrin e Pushtetit Lokal Bashkim Fino. Opozita ka deklaruar se në listat e votuesve nuk janë regjistruar rreth 500 mijë votues.
Sot Gert Ahrens do të takojë kryetarin e Komisionit Qendror të Zgjedhjeve Fotaq Nano, kryesocialistin Fatos Nano dhe kreun e Partisë Demokratike Sali Berisha./tvklan.al
Gazetar – Vladimir Lame