Aksident, 1 i vdekur dhe 3 të plagosur
Një aksident i rëndë rrugor, me pasojë vdekjen e një personi dhe plagosjen e tre të tjerëve, ka ndodhur pasditen e sotme në Vorë. Ngjarja ka ndodhur në autostradën Tiranë-Durrës, ku makina tip Benz me targa 66 54 J ka dalë nga rruga dhe ka përfunduar në një kanal pranë rrugës.
Si pasojë e rënies në kanal ka mbetur i vdekur drejtuesi i mjetit, Ali Saliaj 54 vjeç, si dhe janë plagosur tre pasagjerët, të cilët janë dërguar për në Spitalin Ushtarak në Tiranë.
Policia ndodhet në vendngjarje dhe po heton shkaqet që çuan daljen e automjetit nga rruga.
Tv Klan