Aksident fatal në Shijak
Një person ka ndërruar jetë si pasojë e një aksidenti fatal, raporton ABCNews. Mësohet se viktima është rreth moshës 50 vjeç me inicialet A.K. dhe ishte duke ecur me biçikletë në momentin që është përplasur nga një automjet.
Ngjarja ka ndodhur pasditen e kësaj të enjte në vendin e quajtur “4 rrugët e Shijakut”.
Policia ka shoqëruar në komisariat drejtuesin e automjetit që përplasi këmbësorin dhe po heton për zbardhjen e rrethanave të ngjarjes.
Njoftimi i policisë
Më datë 22.11.2018, në vendin e quajtur ” Katër rrugët ” Shijak, shtetasi I.D. 36 vjeç banues në Shijak duke drejtuar mjetin tip Benz ka aksidentuar shtetasin me biçikletë A.K. 50 vjeç, i cili ka ndërruar jetë.
Drejtuesi është shoqëruar në ambientet e Komisariatit të Policisë për sqarimin e rrethanave të ngjarjes dhe kryerjen e veprimeve të mëtejshme procedurale.
/tvklan.al