Aksident i rëndë në aksin Lushnje – Fier
Një aksident i rëndë është shënuar në autostradën Lushnje – Fier, me një të plagosur.
Ngjarja ndodhi në afërsi të fshatit Vajkan, kur autobuzi i linjës Tiranë – Sarandë është përplasur me dy automjete. Shkak mendohet të jetë bërë dalja e pakujdesshme e autobuzit, nga sheshpushimi ku ishte ndalur, për zbritjen e pasagjerëve.
Drejtuesi i autobusit Elidon Lona, nuk e ka parë mjetin tip Audi, që po vinte në të njejtin drejtim me të. Për pasojë është përplasur me Audin dhe një mjet tjetër të parkuar në anë të rrugës.
Policia arrestoi drejtuesin e autobusit, ndërsa drejtuesi i Audit u dërgua në spital, ku mësohet se është jashtë rrezikut për jetën.
Fatmirësisht asnjë nga pasagjerët nuk ka pësuar dëmtime nga ky aksident.
Tv Klan