Aksident i trefishtë në Pogradec
Tre automjete janë përfshirë në një aksident automobilistik në aksin rrugor Pogradec – Qafë Thanë pranë fshatit Pojskë.
Policia thotë se makinat e aksidentuara janë një automjet Benz me targa AA 891 ST, një Volkswagen me targa TR 1101 N dhe një mjet me targa greke YZO 9396. Kjo e fundit ka qenë e parkuar dhe është goditur nga dy makinat e tjera.
Për pasojë janë dëmtuar dy drejtuesit e automjeteve, si edhe një fëmijë i cili udhëtonte në mjetin tip “Benz” me targa AA 891 ST.
Të plagosurit janë dërguar në spital dhe ndodhen jashtë rrezikut për jetën. Grupi hetimor po punon për zbardhjen e rrethanave të aksidentit. /
tvklan.al