Aksident në aksin rrugor Librazhd-Qukës – (12 Prill 2001)
Lajme Arkiva – TV Klan 2001
Superstrada e Korridorit 8, akoma nuk i ka mbyllur përfundimisht punimet, por kjo nuk është aspak pengesë, që shoferët e mjeteve të ndryshme të ecin me një shpejtësi marramendëse. Duke përfituar nga gjerësia e rrugës, si dhe nga kushtet më të mira e pa gropa të saj, shoferët shtojnë shpejtësinë, me mendimin për të arritur sa më shpejt në destinacion, por mund të ndodh edhe e kundërta, kur shoferi si në këtë rast mund të përfundojë jashtë rruge. Për fat të mirë, ky aksident i ndodhur në aksin rrugor Librazhd-Qukës, nuk mori jetë njerëzish. Por forcat e policisë këshillojnë të gjithë shoferët të kenë kujdes dhe të ulin shpejtësinë, deri në përfundimin e plotë të superstradës./tvklan.al
Gazetare – Fjodora Fjora