Aksident në Fushë Krujë -Vorë, një i vdekur katër të plagosur (01 Janar 2012)
Një aksident automobilistik, me pasojë një të vdekur e 4 të plagosur është shënuar natën e ndërrimit të viteve në aksin rrugor Vorë- Fushë Krujë.
Një automjet me targa Tirane në të cilën udhëtonin 4 persona ka përplasur për vdekje një kalimtar. Më pas shoferi nuk ka mundur të manovrojë dhe është përplasur me bordurën anësore. Përplasja ka qenë e fortë dhe 4 pasagjerët të cilët udhëtonin në automjet kanë marr plagë të rënda. Për momentin nuk jepen më shumë detaje në lidhje me identitetin e viktimës, dhe të personave të plagosur. Policia ka nisur hetimet për të zbardhur shkaqet e aksidentit. /tvklan.al