Aksidenti me dy të vdekur, identifikohet autori
Autoritetet në Durrës kanë identifikuar drejtuesin e makinës Benz, i cili dyshohet se mbrëmjen e së mërkurës shkaktoi aksidentin me 2 të vdekur.
Ai është Fatjon Zhapore dhe është shpallur në kërkim nga policia. Ngjarja e rëndë ndodhi rreth orës 23:30 në autostradën Durrës-Tiranë, pa shkuar në Maminas. Zhaporia, i cili udhëtonte me një Benz dyshohet se goditi nga pas taksinë, brenda së cilës ndodhej 60-vjeçari Bujar Agalliu dhe pasagjerja e tij, Elena Abdillari, 23 vjeçe. Përplasja ishte mjaft e fortë, duke e detyruar taksinë që të dilte nga rruga dhe të përfundonte në një karburant. çka dhe shkaktoi humbjen e dy jetëve. Pas aksidentit, Zhaporia braktisi makinën, të cilën mësohet se e kishte blerë vetëm një muaj më parë dhe u largua nga vendngjarja. Dyshimet e para të policisë janë se kemi të bëjmë me një sulm të qëllimshëm dhe jo thjesht një aksident. Megjithatë nuk përjashtohet edhe mundësia e një ngjarjeje aksidentale dhe drejtuesi që shkaktoi aksidentin është larguar nga vendi i ngjarjes i përfshirë nga paniku.
/tvklan.al