Aksidentohet autobusi, 6 të vdekur dhe 29 të plagosur
Të paktën 6 persona kanë humbur jetën dhe 29 të tjerë u plagosën në një aksident trafiku në Mus, në Turqinë lindore.
Sipas informacioneve nga terreni, autobusi i pasagjerëve në rrugën Mus-Bingol është rrokullisur. Në terren kanë dalë një numër i madh i ambulancave, ekipe të xhandarmërisë dhe Agjencisë Shtetërore Turke të Menaxhimit me Emergjenca (AFAD).
Udhëtarët e lënduar u shtruan në spitalet në Mus dhe Bingol. Guvernatori i Mus, Aziz Yıldırım konfirmoi se sipas të dhënave paraprake, 6 persona kanë humbur jetën dhe 29 të tjerë u plagosën.
Ai u dërgoi ngushëllime familjeve të viktimave ndërsa të plagosurve u dëshiroi shërim të shpejtë.
“Nga të plagosurit, 22 persona u shtruan në spitalin në Mus, kurse 7 në Bingol. Autobusi transportonte udhëtarët nga Hatay në Mus”
, shtoi Yıldırım./AA