Aksidentohet për vdekje këmbësori në autostradë
Një burrë ka gjetur vdekjen mesditën e sotme në autostradën Tiranë – Durrës. Ngjarja ndodhi rreth orës 13:00, në afërsi të tregut Agro – Ushqimor.
Sipas policisë, G. Xh, i cili drejtonte automjetit “Toyota” ka aksidentuar këmbësorin, ende i pa identifikuar. Ai mësohet se është rreth 60 – vjeç dhe ka gjetur vdekjen si pasojë e plagëve të marra.
Aktualisht, grupi hetimor ndodhet në vendin e ngjarjes po punon për zbardhjen e rrethanave të aksidentit dhe identifikimin e viktimës. Ndërsa, drejtuesi i automjetit është shoqëruar nga shërbimet e policisë për veprime të mëtejshme./tvklan.al