Aksidentoi të miturin, arrestohet adoleshenti
Aksidentoi një të mitur dhe më pas u largua nga vendngjarja, arrestohet një 19- vjeçar në kryeqytet.
Kejvin Bliu, 19 vjeç, banues në Tiranë ditën e hënë rreth orës 11:00, në bulevardin “Gjergj Fishta”, duke drejtuar mjetin tip “Benz” ka përplasur motorin tip “Piaggo” me drejtues shtetasin e mitur me iniciale A. B., 14 vjeç dhe është larguar nga vendi i ngjarjes, ku më pas është ndaluar dhe arrestuar nga shërbimet e policisë rrugore.
Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Shkelja e rregullave të qarkullimit rrugor” dhe “Largim nga vendi i ngjarjes”, parashikuar nga nenet 290 dhe 273 të Kodit Penal.
/tvklan.al