Aksion në Lezhë, asgjësohen 4030 bimë kanabis
Aksioni i shtrirë nëpër disa zona të Shqipërisë, për parandalimin dhe asgjësimin e bimëve narkotike, ka vijuar edhe në qarkun e Lezhës.
4030 bimë narkotike kanabis sativa janë zbuluar nga autoritetet policore në dy fshatra.
Në Domje, Ungrej të Lezhës, në një parcelë, në një zonë të pyllëzuar, janë gjetur dhe asgjësuar 2500 bimë kanabis.
Ndërsa në fshatin Mushtë, Spaç të Mirditës, në një parcelë që ndodhej po në një zonë të pyllëzuar, u gjetën dhe asgjësuan 1530 bimë narkotike.
Asgjësimi i kanabisit u bë me anë të djegies, ndërsa policia po punon për identifikimin dhe kapjen e autorëve./tvklan.al