Akuzat ndaj UÇK-së, Ahmeti përfundon dëshminë
Dëshmia e kreu të BDI-se zgjati 15 orë
Për dy ditë radhazi është marrë në pyetje nga Zyra e Prokurorit të Specializuar në Prishtinë kreu i BDI-së në Maqedoninë e Veriut, Ali Ahmeti. Ahmeti është lideri i parë rajonal që është marrë në pyetje nga prokurorët e Gjykatës Speciale.
Ai nuk ka dhënë detaje se për çfarë konkretisht është pyetur pasi që e ka të ndaluar të flasë për një gjë të tillë, derisa të përfundojë i gjithë procesi.
Nga Gjykata Speciale për intervistim është ftuar edhe ish-Kryeministri Agim Ceku. Ceku i cili ka qenë Shef i Shtabit të Përgjithshëm të UÇK-së ka konfirmuar se është ftuar nga Gjykata Speciale në cilësinë e të dyshuarit. Ai do të paraqitet para prokurorëve të specializuar më 28 Shtator.
Tv Klan