Alarm për sulm terrorist, evakuohet një lagje
Alarm për sulm terrorist në Shemnitz, një qytezë e Saksonisë, e cila është blinduar nga policia gjermane pasi janë marrë sinjalizime për një atentat me eksploziv.
Lajmi është konfirmuar nga forcat e rendit, të cilat shtuan se po kryhet një operacion i gjerë i policisë në këtë zonë.
Për momentin nuk ka të arrestuar ndërsa një lagje e tërë është evakuuar. Pamjet e transmetuara nga televizionet vendase dhe fotografi në Twitter tregojnë forcat speciale të armatosura rëndë, ndërsa rrethojnë një banesë në Shemnitz.
Forcat e rendit paralajmëruan banorët e zonës që të largohen sa më shpejt nga shtëpitë, ndërsa të tjerë të mbyllen brenda. Policia në adresën e saj zyrtare në Twitter shkruan se “për momentin situata në zonën e Fritz – Hekert është ajo e një kërcënimi real”./tvklan.al