Alpinistja shpëtohet në “malin vrasës”, partneri i saj zhduket
Një alpiniste franceze e bllokuar në një nga malet më të rrezikshme të Pakistanit , në e Himalaje, është dërguar në spital pas një operacioni dramatik shpëtimi.
Por kërkimet për partnerin e saj polak janë pezulluar. Elisabeth Revol dhe Tomasz Mackiewicz po ngjiteshin në Nanga Parbat kur u mbërthyen në 7,400m lartësi, të premten.“Elisabeth është në një spital në Islamabad. Ajo ka shembje në duar dhe në këmbë”,
shkroi Ludovic Giambiasi, një mik i zonjës Revol, në një postim në Facebook të dielën.
Ekipi i shpëtimit u ngjit në më shumë se 1.000 metra lartësi në Nanga Parbat, malin e nëntë më të lartë në botë, për të shpëtuar gruan franceze Elizabeth Revol në mes të natës. Por ata u detyruan të pezullonin kërkimet për të gjetur Tomasz Mackiewicz, nga Polonia.
Revol dhe Mackiwiecz u ngjitën në majën Himalayan, e cila është 8,126 metra e lartë, kur Mackiewicz filloi të ndihej keq. Revol ndihmoi që partneri i saj të zbriste disa qindra metra dhe të ngrinte tendë, përpara se të shkonte më tej për të thirrur për ndihmë në një telefon satelitor./tvklan.al