Anglia fiton thellë dhe kualifikohet
Anglia kualifikohet për në fazën tjetër të Botërorit. Në ndeshjen e dytë në grupin G, britanikët u treguan të pamëshirshëm ndaj Panamasë duke e mundur 6-1.
Sërish më i miri në këtë takim ishte Harry Kane me tre gola, për një total prej pesë të tillësh në këtë kompeticion. Stones realizoi dy herë, ndërsa një gol tjetër u shënua nga Lingard.
5 gola të Anglisë u realizuan në pjesën e parë të takimit. Në pjesën e dytë të takimit Anglia u duk se po kursente energjitë, por goli i 6 erdhi nga një prekje e topit e pavullnetshme nga Kane.
Japonia dhe Senegali, dy kryesueset e Grupit H, u ndanë në barazim 2-2, në sfidën direkte mes tyre, duke lënë të hapur çështjen e kualifikimit. Ndeshja pati shumë emocione. Senegalezët kaluan në avantazh dy herë me Mane dhe Wague, por dy herë Japonia barazoi me Inui dhe Honda. Të dy këto ekipe kryesojnë me nga 4 pikë.
Me 3 gola ndaj Polonisë, Kolumbia siguron shpresën për të dalë nga grupi. Latinët morën fitoren e parë dhe tashmë janë me 1 pikë më pak se Japonia e Senegali. Në fundin e pjesës së parë ishte Mina që shënoi, ndërsa në të dytën Falcao dhe Cuadrado siguruan rezultatin. Me dy humbje radhazi tashmë Polonia luan vetëm për statistikë.
Tv Klan