Apeli i minatorëve: Na ndihmoni, miniera në prag të katastrofës
Bulqizë-Reshjet e fundit kanë shkaktuar një situatë emergjente në Bulqizë. Miniera e Bulqizës ndodhet në prag të një katastrofe, e cila mund të shkaktojë dëme në njerëz, dëme në natyrë dhe në vetë bizneset që funksionojnë atje.
Më të rrezikuar janë punonjësit e kësaj miniere të cilët bëjnë apel për ndërhyrje të menjëhershme të subjekteve që zotërojnë galeritë përreth, të autoriteteve lokale dhe qendrore për të evituar çdo lloj tragjedie.
Ajo që e përkeqëson edhe më shumë situatën është pikërisht mungesa e disiplinimit të ujërave të galerive të subjekteve përreth minierës./ tvklan.al