Arrestimi i Gjuriç/ Serbët vendosin barrikadë në veri
Pas arrestimit të djeshëm të Marko Gjuriç, banorët serbë në veri të vendit kanë bllokuar rrugën në drejtim të komunës së Leposaviçit.
Ata kanë vënë barrikada në fshatin Rudar të Zveçanit, ku kanë vendosur një kamion dhe një ekskavator, çka pamundëson qarkullimin në këtë pjesë.
Kështu rruga nga Mitrovica për në Zveçan dhe në Leposaviç tash për tash është e bllokuar.
Kurse qyteti i Mitrovicës sot është i qetë dhe jeta at po zhvillohet normalisht, ani pse ka prani më të madhe të policisë sesa në ditët e zakonshme./Klan Kosova