Arrestohen 19 drejtues mjetesh në fundjavë
19 drejtues mjetesh u arrestuan këtë fundjavë nga policia rrugore, ndërsa për 24 të tjerë nisen procedurat e bllokimit të lejës së drejtimit. Shkak është bërë konsumimi i alkoolit tej normave të lejuara.
Kontrollet janë kryer kryesisht në zonën e ish-bllokut, por edhe në zona të tjera ku janë të vendosur më së shumti klubet e natës.
Sipas njoftimit të policisë kontrollet kanë qenë të organizuara mbi një plan masash. Ato kanë pasur synim rritjen e sigurisë rrugore dhe ndëshkimin e drejtuesve të mjeteve që udhëtojnë nën ndikimin alkoolit./ TV KLAN