Arrestohen dy italianë, klononin karta
Drejtoria kundër Krimit Financiar dhe Drejtoria e Policisë së Qarkut Tiranë finalizuan operacionin policor të koduar “PATERICA”, me arrestimin në flagrancë te dy shtetasve italianë, Luca Calvi dhe Gabriele Pasqualino, me banim në Genova të Italisë.
Sipas policisë, është konfirmuar se në degët e Bankës “Intesa Sanpaolo” kanë kryer mbi 750 transaksione, nga këto mbi 350 transaksione të suksesshme dhe mbi 400 tentativa. Janë përdorur mbi 250 karta.
Shuma e parave të tërhequra llogaritet mbi 15 000 000 lekë. Ata u kapen ne flagrancë rreth orës 01.00 në një nga ATM-të e kësaj banke.
Në momentin e arrestimit në dhomën e një hoteli luksoz në Tiranë, ku ishin akomoduar këta shtetas, policia sekustroi informacione të plota për kartat bankare dhe PIN-in e tyre, pajisje elektronike që u shërbente për vjedhjen e informacionit të kartave bankare, 19 karta bankare, nga të cilat 5 janë pa mbishkrime me informacionin bankar në të, si dhe shuma të mëdha eurosh dhe lekësh.
Strukturat e Policisë së Shtetit vazhdojnë hetimet për zbulimin edhe të vjedhjeve të tjera të kryera nga këta shtetas në bankat e vendeve fqinje.
Tv Klan