Arrestohen dy minorenë, vodhën varëse floriri dhe euro në një banesë
Shkodër-Dy të mitur janë arrestuar nga policia e Shkodrës. Pas dy ditësh hetime policia thotë se 14-vjeçari K.G dhe 15-vjeçari M.K kanë vjedhur banesën e 31-vjeçarit GJ.T.
Ata kanë marrë dy varëse floriri, një unazë floriri dhe një shumë prej 1100 Euro.
Në cilësinë e provës materiale u sekuestrua njëra nga varëset e floririt, e cila iu gjet në qafe 14-vjeçarit K.G.
Mbi ta rëndon akuza për veprën penale “Vjedhja, në bashkëpunim”. / tvklan.al