Arrestohet 51-vjeçari që kultivoi kanabis në Vlorë
Policia e Vlorës ka arrestuar një 51-vjeçar që kishte kultivuar bimë narkotike të llojit kanabis sativa.
Gjatë kontrollit të territorit, uniformat blu zbuluan 100 bimë kanabis në fshatin Drashovicë në vendin e quajtur “Kumë e madhe” në një tokë të hapur rishtas.
Nga hetimet është zbuluar se autor i kultivimit të drogës është Ahmet Nelaj. Ai është arrestuar në flagrancë dhe akuzohet për kultivim të bimëve narkotike.
/tvklan.al