Arrestohet 64 – vjeçari në kërkim ndërkombëtar
Policia e Durrësit ka ndaluar një person të shpallur në kërkim ndërkombëtar.
Ai është Skënder Jusufi, 64 – vjeç, banues në Durrës, i dënuar në Itali me 8 vite e 6 muaj burg.
Burime zyrtare nga Policia e Durrësit bëjnë me dije se, Jusufi ishte shpallur në kërkim ndërkombëtar nga Interpol Roma më 19 Maj, pasi Gjykata e Apelit në Bari, e dënoi atë për veprën penale shkelje në bashkëpunim të ligjit mbi drogat.
Ndalimi i tij është bërë me qëllim ekstradimi drejt Italisë. /tvklan.al