Arrestohet babai manjak – (25 Mars 2000)
Arkiva Lajme – Tv Klan 2000
Policia e Tiranës i ka vënë prangat një babai manjak seksual, pas denoncimit që i bëri e bija e tij 15-vjeçare. Burri një 40-vjeçar i dënuar më parë me 7 vite burg për vjedhje, prej kohësh e ngacmonte seksualisht vajzën e tij. Prindi ka tentuar të kryej marrëdhënie seksuale me dhunë me vajzën 15-vjeçare, gjë që e detyroi fëmijën të shkonte të denonconte në komisariatin nr.2 të Tiranës.
40-vjeçari Xhvdet Roshi, banues në lagjen “Selitë e vogël” të Tiranës, i akuzuar nga e bija e tij u arrestua dje me akuzën tentim të kryerjes së marrëdhënieve seksuale me dhunë me të bijën. Një ditë qëndrimi në komisariatin nr.2 dhe më pas është transferuar në dhomat e paraburgimit në burgun 313. Nesër gjykata do të vendos masën e arrestit. Por hetuesit janë duke punuar edhe në një pistë tjetër për të zbardhur të vërtetën e këtij arrestimi.
Sipas tyre kjo çështje mund të lidhet edhe me diçka të brendshme ku babai i fëmijës mund të jetë pre e kombinacionve të pjestarëve të tjerë të familjes së tij./tvklan.al
Gazetare – Holta Zhiti