Arrestohet brenda banesës duke vjedhur
Fier- Falë bashkëpunimit Polici-Komunitet është arrestuar një person, i cili po tentonte të vidhte një banesë.
Sipas njoftimit të policisë Lefter Meruko, 42 vjeç, banues në Pogradec dyshohet se ka kryer edhe disa vjedhje të tjera banesash për dokumentimin ligjor të të cilave po punohet.
Gjatë mesnatës, te Salla Operative Fier ka njoftuar një qytetar se në fshatin Peshtan, një persona ka hyrë në banesën e J.Gj, 46 vjeç, aktualisht me banim në Greqi.
Pas njoftimit të marrë nga Salla Operative, Meruko është kapur nga patrulla e policisë në ambientet e brendshme të banesës duke vjedhur.
42-vjeçari dyshohet se ka kryer edhe vjedhje të tjera në këtë zonë.
Materialet hetimore i kaluan Prokurorisë pranë Gjykatës së Shkallës së Parë Fier për veprën penale “Vjedhje”.
/tvklan.al