Arrestohet çifti që drejtonte trafikun e drogës
Drejtuesit e një rrjeti droge janë arrestuar nga policia greke gjatë një aksioni në qytetin e Selanikut. Mediat fqinje shkruajnë se ata janë një 32-vjeçar shqiptar identiteti i të cilit nuk bëhet i ditur, dhe një vajzë 20-vjeçare nga Greqia.
Çifti drejtonte një rrjet të shitjes së kanabisit në Selanik dhe u arrestuan në flagrancë në momentin që shisnin drogë tek një klient.
Pas hetimeve disa mujore të policisë greke, u zbulua se 32-vjeçari shqiptar dhe 20-vjeçarja greke kishin krijuar rrjetin e tyre.
Ata u kapën sapo i shitën 102 gram kanabis një 22-vjeçari, i cili u arrestua gjithashtu.
Gjatë kontrollit në banesën e çiftit, hetuesit gjetën dhe sekuestruan 9.5 kg kanabis, 2 peshore elektronike dhe 3 celularë që përdoreshin prej tyre për të komunikuar me klientët.
Ata akuzohen për shitje të lëndëve narkotike.
/tvklan.al