Droni zbulon kanabisin, arrestohet kryeplaku
Parcela me drogë u gjet ne Lybeshë të Skraparit
Një parcelë me bimë narkotike kanabis-sativa është zbuluar në një fshat të thellë të Skraparit.
Policia bënë me dije se në vijim të kontrollit të pandërprerë të territorit, nga toka me grupe kontrolli dhe nga ajri me dronë, kanë konstatuar të kultivuara në territorin e fshatit Lybeshë, në pronë publike, bimë narkotike kanabis.
Në prangat e policisë përfunduan shtetasit me inicialet A. T., 54 vjeç, me detyrë kryeplak, pasi dyshohet se ka konsumuar elementët e veprës penale “Shpërdorim detyre” si dhe S. T., 59 vjeç për moskallzim krimi.
Në kërkim është shpallur edhe një 32 vjeçar, banues në Lybeshë, si autori i dyshuar për kryerjen e veprës penale “Kultivimi i bimës narkotike”.
Tv Klan