Asgjësohen 4 mijë rrënjë kanabis, arrestohet një person
Policia ka asgjësuar 4000 rrënjë bimë narkotike dhe ka vënë në pranga një person, ndërsa një tjetër e ka shpallur në kërkim.
Specialistët për Krimet në Komisariatin e Policisë Krujë, arrestuan në flagrancë Edison Çangun 20 vjeç, banues në fshatin Verion, Krujë.
Gjatë kontrollit të ushtruar në pronën e tij, në fshatin Verion, u konstatuan dhe u asgjësuan rreth 2850 bimë narkotike të dyshuara të llojit kanabis sativa.
Gjithashtu policia po punon për kapjen e personit të shpallur në kërkim, I.S. 41 vjeç, banues në Arrameras, Krujë, pasi gjatë kontrollit të ushtruar në këtë fshat, u gjetën dhe u asgjësuan me anë të djegies rreth 1150 bimë narkotike të dyshuara kanabis sativa.
Materialet i kaluan Prokurorisë të Rrethit Gjyqësor Krujë për veprime të mëtejshme për veprën penale “kultivimi i bimëve narkotike”./tvklan.al