Atalanta e Berishës kualifikohet në Europa League
Atalanta e Etrit Berishës u kualifikua në turin e tretë të Europa League duke mundur thellë 8 – 0 Sarajevo në Bosnjë.
Një ndeshje ku portieri shqiptar u vendos pak në provë. Ky ishte dhe rezultati më i thellë në takimet e djeshme. Atalanta në turin e tretë do të luajë me izraelitët e Hapoel Haifa. Kualifikim edhe për Steaua Bukureshtin e Kamer Qakës. Mesfushori u aktivizua gjatë pjesës së dytë në fitoren 4 – 0 me Rudar.
Në turin e tretë të Europa League do të jetë edhe Hajduk Split i Hysen Memollës, Maribor i Valon Ahmedit. Drita e Gjilanit nuk arriti të bënte një tjetër përmbysje duke u eliminuar. Pas humbjes 2 – 1 në Luksemburg me Dudelange barazoi 1 – 1 në Mitrovicë. Në fazën e dytë të Europa League e nisën edhe skuadra të njohura si Besiktas dhe Sevilla që kaluan pa probleme kundërshtarët.
Tv Klan