Balta tek çadrat e kosovarëve – (17 Prill 1999)
Arkiva Lajme – Tv Klan 1999
Telashet s’kanë të sosur për të ardhurit nga Kosova. Nata e mbrëmshme perveç të ftohtit u ka shkaktuar depërtimin e llucës brenda çadrave të tyre. Këpucë të lagura, dyshekë të qullur dhe familjarë që mundohen të pastrojnë vendin banues të tyre. Pas hapjes së një kanali uji precipiton. Megjithë se në çadra ata quhen se janë jashtë, pasi shumica e tyre fusin ujin brenda.
Disa janë munduar që çadrës t’i venë një tjetër çadër plasmasi. Edhe ata që jetojnë në palestren e stadiumit Dinamo mbrëmë kanë hequr shumë, era e madhe ka shkulur mbulesën prej plasmasi dhe shiu binte i gjithi brenda. Ja çfarë tregojnë ata që mbrëm kanë zhvendosur krevatet prej aty.
Të ardhurit nga Kosova:- “Ne ishim në gjumë kur filloi shiu u desh me u çu me i hek fëmijët me krevate, aty ku nuk pikonte. Gjithë natën e kalum ashtu ftohtë, shi, fryjti krejt këtu janë shkule këta najlona”.
Kështu ka kaluar dhe një natë me shi dhe me erë të ftohtë ku dielli dhe koha e ngrohtë do të ishte dëshira e vetme e këtyre të munduarve./tvklan.al
Gazetare – Holta Zhiti