Bankat marrin masa kundër monedhave virtuale
Disa nga bankat më të mëdha të botës po marrin masa për të parandaluar klientët e tyre që të përdorin kartat e tyre të kreditit për të blerë bitcoin.
Në Mbretëri të Bashkuar Lloyds Banking Group (LLDTF) tha të hënën se nuk do të pranojë më transaksione që përfshijnë blerjen e kripto-monedhave në kartat e kreditit të lëshuara nga Lloyds Bank, Banka e Skocisë, Halifax dhe MBNA.
Sipas CNN Tech, banka po i ndërmerr këto veprime për të mbrojtur klientët e saj.
Virgin Money tha se klientët e saj gjithashtu do të pengoheshin nga përdorimi i kartave të tyre të kreditit për të blerë monedhat virtuale.
Rritja dhe rënia e shpejtë e çmimit të bitcoin dhe monedhave të tjera ka ngjallur frikën se klientët e bankave mund të hynin në borxhe.
Bitcoin ishte me vlerë rreth 20,000 dollarë në dhjetor, pasi fitoi më shumë se 2,000% gjatë vitit 2017. Deri më tani këtë vit ka rënë më shumë se 40% dhe të hënën ka rënë nën 8,000 dollarë për herë të dytë në një javë./tvklan.al