“Bankers Petrolium” ndihmon familjet në nevojë
Pako ushqimore për 250 familje në Fier dhe Patos
Kompania “Bankers Petroleum Albania” si çdo vit u është gjendur pranë familjeve në nevojë në rajonin e Fierit. Në bashkëpunim me bashkitë e këtij qarku, Bankers po shpërndan pako ushqimore për 250 familje.
Pakot do të shkojnë në ndihmë të familjeve që jetojnë në zonat e Patosit e Roskovecit si dhe në fshatrat Kallm i Madh dhe Kallm i Vogël.
“Bankers Petroleum” prej vitesh tashmë organizon ndihma dhe bamirësi për familjet në nevojë të, cilat jetojnë në zonën e Patos-Marinzës. Drejtuesit e kompanisë thonë se këto nisma kanë si qëllim që atmosfera e festave të shkojë kudo, edhe pranë njerëzve që kanë mundësi të pakta për t’i shijuar ato.
“Gjatë këtij viti të vështirë për shkak të situatës së pandemisë ne kemi shtuar edhe më shumë kontributin tonë për banorët e zonave ku operojnë pasi mendojmë se pikërisht në të tilla situata duhet të jemi pranë për njëri-tjetrin”, thonë përfaqësuesit e “Bankers Petroleum Albania”.
Tv Klan