Barça nuk fiton pa Messin
Barazim ndaj modesteve të Eibar
Barcelona është e varur nga Lionel Messi. Kapiteni mungoi në ndeshjen kundër Eibarit dhe shokët e tij të ekipit nuk shkuan më shumë se një barazim 1-1 ndaj modestëve të kampionatit spanjoll. Messi ishte lënë pushim pasi kishte kërkuar leje. Ai mbaroi shpejt pushimet dhe ishte në tribunë teksa pa që skuadra humbi dy pikë me vlerë.
Barça gaboi gjithçka, pasi i kishte mundësitë të merrte maksimumin. Pjesa e parë foli për katalanasit që kishin rast të kalonin në avantazh me Braithwaite, por sulmuesi humbi penallti. Danezi ishte i pafat edhe më vonë, teksa dërgoi topin në rrjetë në minutën e 35, por VAR anuloi golin.
Pjesa e dytë nisi me gabim shumë të rëndë nga vendasit. Araujo i fali topin Kikes në minutën e 57 dhe sulmuesi i Eibar mposhti Ter Stegen për 0-1. Dembele barazoi shifrat në 1-1 në minutën e 67. Por Barça nuk arriti të merrte 3 pikët dhe ndalet në një moment që nuk duhej. I mërzitur edhe trajneri Kuman.
“E meritonim të fitonim. Bëmë atë që duhej të bënim. Eibar gjuajti vetëm një herë në portë dhe mori një pikë. Ne krijuam raste, por nuk shënuam penalltinë dhe më pas bëmë një gabim në mbrojtje. Jam i mërzitur se kjo po ndodh shumë herë”, tha trajneri i Barcelonës.
Barcelona do ta luajë ndeshjen e radhës më 3 janar në transfertë ndaj Hueskas. Në këtë sfidë do të jetë në fushë edhe Messi.
Tv Klan