Barcelona – Real luhet sot në “Camp Nou”
El Clasico, edhe pse luhet prej më shumë se 114 vitesh, mbetet ende tërheqës.
Një nga ndeshjet më interesante të futbollit botëror do të zhvillohet sot në orën 16:15 në “Camp Nou”. Barcelona do të presë Real Madrid në një tjetër duel të ndezur.
Katalanasve i kthehet Andres Iniesta nga dëmtimi, ndërsa madrilenët nuk do të kenë Gareth Bale, që do të mungojë për disa muaj. Barcelona është 6 pikë larg Real Madrid që udhëheq renditjen dhe një fitore do ta bënte më të luftuar kampionatin.
Megjithatë skuadra e drejtuar nga Zinedine Zidane nuk humbet prej 32 takimesh në të gjithë aktivitetet. Trajneri i Barcelona, Luis Enrique është optimist për këtë takim dhe kërkon që lojtarët e tij të krijojnë sa më shumë raste shënimi për të arritur suksesin.
Trajneri i Real Madrid, Zinedine Zidane pranon se shkojnë pa frikë duke shtuar se të dy ekipet përbëhen nga kampionë.
Tv Klan