Basha paralajmëron ndryshim të PD -së
“I kam kërkuar Grupit Parlamentar dhe grupeve në terren që sëbashku të nisim një proces për hapjen e PD. Ky është një aksion politik, një Parti Demokratike e hapur për të gjithë qytetarët, ndryshe nga ajo që kemi parë deri më sot. Do të ketë një zgjerim të demokracisë brenda vetë partisë, me qëllim fitoren në zgjedhjet e ardhshme”,
ishin këto fjalët e kryetarit të Partisë Demokratike, Lulzim Basha pas mbledhjes së Grupit Parlamentar kësaj force politike.
Teksa iu përgjigj pyetjeve të shumta të gazetarëve, Basha tha se Partia Demokratike është e vetmja shpresë për shqiptarët dhe se do të jetë kjo forcë që do të ndërtojë Shqipërinë.
Ai tha se Partia Demokratike do të marrë një sërë vendimesh për hapjen e saj për të gjithë ata që duan t’i bashkohen. Basha e konsideroi këtë një proces që do t’i japë një shpresë të re Shqipërisë.
“E kuptoj ndryshimin e një shoqërie të zhgënjyer dhe mundësitë reale për të besuar janë zbehur. Por dua t’i siguroj ata se besimi tek Partia Demokratike do minojnë shanset për një ndryshim pozitiv në Shqipëri. Ndaj jap garanci të plotë se ndryshimi do jetë i vërtetë dhe qytetarët duhet të besojnë se ne do ndryshojmë jetën e secilit në Shqipëri. Procesi do jetë i vështire dhe i anatemuar, por jam i binudur se sëbashku me shqiptarët do t’ia dalim dhe PD do kthehet në shpresën e vetme. Ajo që do ndërtojmë sëbashku është një Shqipëri që ofron shanse për të gjithë, ku do përfshihen të gjithë demokratët, Këshilli Kombëtar, degët e Partisë Denokratike dhe cilido që është gati të japë kontributin e tij, jo vetëm për një rotacion politik, por për një politikë në shërbim të shiptarëve. Normat dhe parimet që do të zbatojmë do të japin garancinë e plotë për të ndryshuar Shqipërinë.”
I pyetur për zgjedhjet në Kolonjë, Basha tha se kushdo që kërkonte një provë tjetër, e ka tashmë një të tillë. Edhe këtë herë, sipas tij, mazhoranca nuk kursye në blerjen e votës./tvklan.al