Bashkia e Tiranës nënshkruan marrëveshje binjakëzimin me Firencen – (10 Janar 2001)
Lajme Arkiva – TV Klan 2001
Binjakëzohet Tirana me qytetin e Firences në Itali. Kryebashkiaku Rama, së bashku me nënkryetarin e bashkisë së Firences Eugenio Gianni, kanë firmosur dokumentin që lidh dy qytetet. Kështu nëpërmjet kësaj lidhje do të realizohet gjallërimi i raporteve të bashkëpunimit në çdo sektor me interes të përbashkët.
Sipas kryebashkiakut Rama, miqësia midis dy qyteteve, përbën një pjesë thelbësore për krijimin e një bote më të mirë të bazuar tek njohja dhe respekti i ndërsjelltë.
Edi Rama, Kryetari i Bashkisë Tiranë:- “Unë mendoj që ky është një moment i rëndësishëm, për kryeqytetin, pasi firmosëm aktin e binjakëzimit me Firencen, si një ndër qytetet e mëdha të kulturës botërore. Ky është një akt i rëndësishëm, sepse i shërben forcimit të marrëdhënieve midis Shqipërisë dhe Italisë”./tvklan.al
Gazetar – Ornela Bego