Bayern, kualifikim i vështirë ndaj Leipzig
Bayern Munchen u kualifikua në turin e tretë të Kupës së Gjermanisë pas goditjes së 11-metërshave.
Leipzig edhe pse për shumë minuta me 10 futbollistë në fushë për shkak të një kartoni të kuq u tregua një rival i fortë. Bavarezët fillimisht pësuan gol, por Thiago Alcantara barazoi rezultatin pak minuta më vonë.
Loja e rregullt dhe pjesët shtesë përfunduan në barazim 1 – 1. Heroi në këtë takim ishte portieri Sven Ulreich, i cili ndali penalltinë e Timo Werner dhe Bayern fitoi me rezultatin e përgjithshëm 6 – 5. Në Kupën e Ligës së Anglisë, Tottenham u eliminua nga West Ham.
Në këtë derbi skuadra e Pochettino shënoi dy herë në pjesën e parë, por kundërshtarët arritën të përmbysnin rezultatin në të dytën, duke kaluar në çerekfinale. Chelsea do të vijojë garën për këtë trofe, pas fitores 2 – 1 me Everton./Tv Klan