Ben Blushi zgjidhet kryetar i LIBRA-s me 95 % të votave
Ben Blushi është zgjedhur të dielën kryetar i LIBRA-s pasi fitoi 95 për qind të votave në zgjedhjet për kryetar.
Komisioni i Garancive Statutore, në përfundim të procesit të votimit brenda LIBRA-s, për Kryetar dhe anëtarë të Bërthamës shpalli se Ben Blushi kishte fituar 3093 vota, ndërsa konkurrenti i tij, Nertitan Seferkolli mori 156 vota. Përkthyer në përqindje, Blushi mori 95 për qind të votave ndërsa Seferkolli mori 5 për qind të votave. Për herë të parë në Shqipëri është aplikuar një sistem votimi tërësisht elektronik, i garantuar, i fshehtë, i drejtpërdrejtë dhe demokratik me standardet më të larta. “Në përputhje me Statutin neni 11, i cili parashikon kriterin e barazisë gjinore në anëtarët fitues të Bërthamës, rezultojnë fitues 15 femra që kanë marrë më shumë vota dhe 15 meshkuj që kanë marrë më shumë vota,” tha partia e re./tvklan.al
