“Bëni vaksinën për të mbrojtur veten dhe të tjerët”
Papa Françesku do të vaksinohet javën e ardhshme
Papa Françesku deklaroi këtë të shtunë se planifikon që të vaksinohet kundër Covid-19 javën e ardhshme dhe u bëri thirrje të gjithëve që të bëjnë të njëjtën gjë, për të mbrojtur jo vetëm veten, por edhe të tjerët.
“Besoj se të gjithë duhet ta bëjnë vaksinën si detyrë etike”, tha Papa në një intervistë për Canale 5. “Është një zgjedhje etike sepse po luani kumar me shëndetin tuaj, me jetën tuaj, por gjithashtu edhe me jetën e të tjerëve”.
Vatikani, shteti më i vogël i pavarur në botë, është shtëpi për rreth 450 banorë, përfshirë Papa Françeskun, do të nisë shumë shpejt fushatën e tij të vaksinimit kundër koronavirusit.
“Javën e ardhshme do të nisim vaksinimin në Vatikan dhe kam rezervuar një edhe për vete. Duhet bërë“, tha Papa më tej./tvklan.al