Berisha e Topalli: Qeveria e drogës ik!
Ish -Kryeministri Berisha thotë se qeveria Rama duhet të ikë. Në një postim në Facebook ai shkruan se « Rama Ik » dhe « Qeveria e drogës ik » është thirrja që buron sot në mendjen dhe zemrën e çdo shqiptari që ka Shqipërinë për dheun e tij më të dashur e që do të jetojë në këtë vend në liri, dinjitet dhe siguri.Kjo thirrje, sipas ish -kryeministrit buron nga fakti që sot në Shqipëri, si në asnje vend tjetër të lirë, malavita, baronët e drogës, kumbarët dhe ndrikullat e saj drejtojnë qeverinë dhe agjensitë e saj dhe kanë vendosur në dispozicion të trafikut të drogës aeroportet, portet dhe rrugët e vendit.Ish –kreu i qeverisë thotë se në një hark të shkurtër kohor Shqipëria për drogën, tritolin, vrasjet është bërë një vend më i pasigurt se sa Afganistani.Qytetarë dhe qytetare, Rama ik është sot detyrë e çdo shqiptari, e vajzave dhe djemve, nxënësve, studentëve, burrave dhe grave, qytetarëve të këtij vendi, të cilët nuk pranojnë që droga dhe krimi të gllabërojnë sigurinë, jetën, dinjitetin, lirinë dhe votën e tyre, - e mbyll komentin zoti Berisha.Edhe ish –kryetarja e kuvendit, Jozefina Topalli shkruan se pas asaj që pamë dje, Shqipëria nuk është më e njëjta dhe kryeministri duhet të ikë.Sipas zonjës Topalli, opozita duhet të udhëheqë protestat, të kërkojë seancë urgjente dhe mocion mosbesimi për qeverinë!Opozita duhet të drejtojë qytetarët në luftën kundër Mafies, - shkruan ajo teksa thotë se, -kjo kërkon kurajo e sakrificë!E djeshmja është vetëm një episod që vetëm para pak ditësh të paktë ishin ata që e imagjinonin, por realiteti është shumë më i rëndë, - e mbyll komentin e saj në Facebook zonja Topalli, duke ftuar qytetarët që të ngrihen.Tv Klan