Berisha: Rama tërhiqet pas takimit Meta-Xhafaj
Ish-kryeministri Sali Berisha nëpërmjet një postimi në rrjetet sociale është shprehur se kreu i qeverisë, Edi Rama nuk do ta votojë këtë të martë në parlament Sandër Lleshin si zëvendësministër-ministër.
Sipas Berishës, shkak për tërheqjen e Ramës, është bërë një takim i fshehtë mes ministrit të Brendshëm të dorëhequr, Fatmir Xhafaj dhe Presidentit, Ilir Meta.
“
Të dashur miq, Kallam Dështaku nuk do votojë sot në parlament, ashtu siç rrahu dy ditë me radhë gjoksin dhe paralajmëroi në një sfidë shah-mat se do votonte në parlament Sandër Lleshin si zëvendësministër-ministër. U tërhoq, u palos pas një takimi të fshehte falënderues Meta-Xhafa të zhvilluar në rrethana të mistershme, e zuri barku trimoshin e siçilistëve. Zhvillime interesante!?!?
”, shkroi Berisha në një postim në rrjetet sociale.
Një ditë më parë, Kryeministri Edi Rama tha se ishte arritur Dakordësi e plotë në Grupin Parlamentar.
“
Kuvendi do të miratojë nesër dekretin e Presidentit për shkarkimin e ish-ministrit të brendshëm. Sandër Lleshi do të marrë drejtimin e MB si zëvendës ministër. Por nuk mbaron me kaq. Për më shumë do t’i drejtohem Kuvendit nesër në 10.00”,
shkroi Rama të hënën në Twitter. /tvklan.al