Biden “çimenton” fitoren
Joe Biden ka arritur të fitojë edhe një shtet tjetër duke siguruar në këtë mënyrë Presidencën amerikane për 4 vitet e ardhshme. Bëhet fjalë për Georgia-n, ku demokratët nuk fitonin që prej 1992-shit.
Votat e këtij shteti “çimentojnë” në këtë mënyrë fitoren e Biden duke e çuar në 306 vota elektorale. Nga shtetet që kanë mbetur pa u numëruar votat mbetet vetëm Karolina e Veriut.
Në këtë shtet është projektuar të fitojë Donald Trump, megjithatë kjo veçse do ta çojë në arritjen e 232 votave elektorale dhe asgjë më shumë.
Trump ende nuk ka pranuar humbjen. Ai akuzon për manipulim në zgjedhje, megjithatë zyrtarët federalë kanë mohuar që të ketë pasur probleme në procesin elektoral të këtij viti.
Ndaj tij, po rritet presioni për të pranuar fitoren e Biden dhe për të lejuar tranzicionin nga një administratë në një tjetër. /tvklan.al