Biden, drejt zgjedhjeve edhe me këngë!
Fushatat presidenciale në Shtetet e Bashkuara të Amerikës gjithnjë janë shoqëruar me hite nga më të ndryshmet, si përcjellëse të garës për të marrë pushtetin në Shtëpinë e Bardhë.
Kur kanë mbetur edhe 4 ditë nga zgjedhjet presidenciale në Amerikë grupi i famshëm “Black Eyed Peas” së bashku me fituesen e çmimit “Oscar”, Jennifer Hudson, janë bashkuar për të mbështetur rivalin demokrat Joe Biden.
Kënga e cila titullohet “The Love” përmban disa nga fjalët që kandidati për president Joe Biden ka thënë gjatë Konventës Kombëtare Demokratike , Yes We Can Video në vitin 2008.
“Amerika është vërtet e zhytur në krizë për shkak të keqmenaxhimit apo të them mosmenaxhimit me pandeminë Covid. Për një vend që ka sistemin më të mirë shëndetësor në botë jemi më keq , kur llogariten rastet e infektuara dhe vdekjet. Do të duhen vite të tëra që të rregullohet”, u shpreh kreu i grupit Will. I. Am.
Pjesë e këngës janë edhe një sërë aktivistësh përfshirë edhe anëtarët e familjes së George Floyd-it dhe Jacob Blake. Kënga nis me vetë Bidenin duke cituar fjalët “Jepuni dritë dhe njerëzit do ta gjejnë rrugën”.
Deri më tani kënga ka grumbulluam më shumë se 32 milionë klikime në Youtube. Si Biden ashtu edhe ish-Zonja e Parë e SHBA-së, Michelle Obama, e kanë shpërndarë në rrjetet e tyre sociale ku i bëjnë thirrje njerëzve që të votojnë në datën 3 Nëntor.
Klan Plus