Big Ban ‘ringjallet’ për Vit të Ri
Kambanat e orës më të famshme do të bien në mesnatë
Pas një heshtje të gjatë, kambanat e orës më të famshme në Britaninë e Madhe do të bien mesnatën e ndërrimit të viteve. Big Ban do të shënojë kështu fillimin e vitit të ri për herë të parë pas pastrimit nga skelat që ishin vendosur për restaurimin e saj.
96 metra lartësi, një nga ndërtesat më të fotografuara në Britaninë e Madhe, Kulla historike e parlametit britanik ishte e mbështjellë me skela për riparimin e katër numrave të orës, për të cilët është bërë një punë e komplikuar në pastrim dhe gdhendje.
Që nga fillimi i punës së restaurimit në 2017-n, Big Ben në përgjithësi ka qëndruar në heshtje, duke tingëlluar vetëm për ngjarje të rëndësishme. Dhe për këtë arsye në një deklaratë parlamenti tha se kambana do të testohet disa herë në prag të Vitit të Ri.
Restaurimi do të përfundojë në 2021-shin dhe do të pasohet nga një program restaurimi prej 4 miliardë paundësh ose 5.2 miliardë dollarë i të gjithë ndërtesës së parlamentit.
Tv Klan