Bitcoin arrin rekord historik
Monedha virtuale Bitcoin ka arritur një rekord të ri të të gjitha kohërave. Kriptomonedha ka kapur vlerën e 20 mijë Dollarëve.
Vlera e saj është rritur më shumë se 170% gjatë këtij viti, pavarësisht paqëndrueshmërisë në tregun e aksioneve.
Të mërkurën, vlera e Bitcoin kapërceu në 4.5% duke kapur vlerën 20.440 Dollarë për shkak të rritjes së kërkesës nga investitorët e mëdhenj. Sipas ekspertëve, pritet që vlera e kësaj monedhe virtuale të rritet akoma më shumë për shkak se përdoret edhe si një formë pagese nga Microsoft dhe Starbucks.
Bitcoin tregtohet gjerësisht, njësoj si Dollari amerikan apo Paundi. Por në ndryshim, Bitcoin është e paqëndrueshme. Vlera e kriptovalutës në të kaluarën ka rënë edhe nën vlerën 3300 Dollarë.
Bitcoin përdoret si formë pagese, por ekspertët paralajmërojnë përdoruesit që të bëjnë kujdes pikërisht për shkak të paqëndrueshmërisë që ka në treg. /tvklan.al