• Shpërndaje

Emisioni “Opinion Plus”, në Tv Klan solli ditën e sotme intervistën me biznesmenin gjerman Max Strauss.  Ai e ka vizituar Shqipërinë në dy kohë, në mesin e viteve ‘80 dhe pas hapjes së saj në vitet ’90.

Ai ka një lidhje specifike me Shqipërinë, pasi është djali i një prej miqve të mëdhenj të Shqipërisë dhe njëkohësisht politikanit të rëndësishëm të Gjermanisë Perëndimore, Franz Josef Strauss.

Intervista me të u përqëndrua  tek kujtimet nga udhëtimet e tij në Shqipëri, tek shansi i humbur i Shqipërisë, por edhe për ndihmën që mund të jepte Gjermania Perëndimore në atë kohë. 

“Është paksa dramatik, ka ndryshuar shumë. Vizita ime e parë ishte në vitin 1984, ku ne erdhëm me dy makina katër herë katër, për të udhëtuar në të gjithë vendin gjatë katër ditëve. Gjithashtu me babin kam ardhur njëherë me avion dher jemi ulur në aeroportin e vjetër. Nga kjo pikëpamje mund të them se jam paska dëshmitar i ndryshimeve dramatike që kanë ndodhur në këtë vend”./tvklan.al