• Shpërndaje

Arkiva Lajme – Tv Klan 1999

Londra sot është zgjuar e përfshirë nga virusi i terrorizmit. Shtatë të plagosur si pasojë e një shpërthimi në një lagje me emigrant aziatikë. S’është hera e parë që akte të tilla terroriste ndodhin në Angli. Një javë më parë në Bringston, e cila popullohet më shumë nga emigrantët e Karaibeve u plagosën 38 persona, si pasojë e një shpërthimi. Në të dyja rastet përgjegjësia bie mbi organizatën terrorriste Kombat 18. Toni Bler nga Uashingtoni ka premtuar se s’do të ketë aspak tolerancë për këto raste, cilido të ketë qenë qëllimi.

Colorado përcolli mbrëm për në banesën e fundit viktimat e masakrës së Little Tonyit. Policia amerikane bëri të ditur se rasti i masakrës së Denverit s’është i vetëm. Është parandaluar ëto ditë një tjetër akt i ngjashëm dhe janë arrestuar pesë djem të rinj të cilët të frymëzuar nga akti i dy shokëve të tyre po përgatisnin një masakër të re. Grupe të veçanta ishin bërë gati për të vepruar duke nisur që nga dita e lindjes së Hitlerit në 20 Prill e cila shënoi në Denver masakrën tragjike.

Kinezët kanë dalë për protestë në rrugët e Pekinit. Është hera e parë që kinezët protestojnë që pas vitit ’89 ne Tienanmen, protest e cila u mbulua me gjak. Policia nuk ka ndërhyrë përveçdisa kontrolleve, gjë e cila tregon se në Kinë ka lëvizur diçka drejt lirisë dhe të drejtave të njeriut./tvklan.al

Gazetare – Mirela Milori