Bllokohet lëvizja për 2 orë në autostradën Lushnje – Fier
Një zjarr i rënë tek tokat bujqësore përgjatë autostradës Lushnje – Fier bllokoi trafikun për rreth dy orë.
Qindra automjete u detyruar të mos lëviznin duke qëndruar të bllokura pranë vendit të quajtur “Pushimi i Shoferit”.
Persona të paidentifikuar i vunë zjarrin disa tokave bujqësore, për të pastruar kanalet ujitëse, të cilat janë të mbushuara me goma të përdorura dhe mbetje te tjera të hedhura nga bizneset përreth.
Kjo nuk është hera e parë që persona të paidentifikuar i vënë zjarrin mbetjeve që hidhen në kanalin ujitës rreth autostradës Lushnje – Fier.
Tv Klan